International Service
Services for international patients living outside the Faroe Islands such as tourists, sailors and others
Careers
Persuing a career in a Scandinavian Hospital

Fleiri krabbameinssjúklingar fáa viðgerð í Føroyum

2. NOVEMBER 2015

Frameftir fara ávísir krabbameinssjúklingar, sum higartil eru sendir uttanlands í viðgerð, at fáa møguleika fyri í staðin at fáa viðgerð í Føroyum. Landssjúkrahúsið hevur gjørt nýggja samstarvsavtalu við Ríkissjúkrahúsið, ið ber við sær, at ein størri partur av viðgerðini av føroyskum krabbameinssjúklingum kann fara fram í Føroyum.

Avtalan merkir millum annað, at ein serlækni í krabbameinssjúkum verður á Landssjúkrahúsinum tveir dagar hvørja viku. Talan er um fýra ymiskar serlæknar, sum fara at skiftast um at taka sær av krabbameinssjúklingum á Landssjúkrahúsinum.

Tað, ið er eftir av árinum, koma serlæknar frá sjúkrahúsinum í Lund framhaldandi at virka á Landssjúkrahúsinum eins og nú, hóast nýggja avtalan við Ríkissjúkrahúsið fær virknað í oktober.

Nýggja avtalan styrkir munandi um krabbameinsviðgerðina í Føroyum, tí meira enn helmingurin av føroysku krabbameinssjúklingunum, sum áður hava verið sendir av landinum, fara framyvir at fáa bæði viðgerð og eftirviðgerð á Landssjúkrahúsinum.

Sjúklingar, sum hava fingið sína eftirkanning útsetta vegna læknamangul, fáa innkalling til eftirkanning innan ársskiftið 2015/2016.

Sjúklingar, ið longu eru í viðgerð uttanlands fyri krabbasjúku, ið frameftir fer at verða viðgjørd á Landssjúkrahúsinum, fáa møguleikan at velja ímillum at fáa restina av síni viðgerð í Føroyum ella at verða liðugt viðgjørd uttanlands.

Vision

Get the latest news from Landssjúkrahúsið

J.C. Svabosgøta 41-49
100 Tórshavn
ls@ls.fo
Tel. +298 30 45 00
Fax +298 31 74 31
V-tal 345334
EAN5797100000058
Our aim is to offer the Faroese population and international patients a high quality health service in as many areas as possible. In those areas of health care where the hospital is not specialised, our aim is to offer patients the best possible treatment through close co-operation with other hospitals in the Nordic region.