International Service
Services for international patients living outside the Faroe Islands such as tourists, sailors and others
Careers
Persuing a career in a Scandinavian Hospital

Granskingardagurin 2015 sera væl eydnaður

4. JUNI 2015

Granskingardagur var á Landssjúkrahúsinum tann 28. mai. Byrjað varð í forhøllini við at forkvinnan í Granskingarnevndini bjóðaði vælkomin.
Síðan setti rektarin á Fróðskaparsetur Føroya, Sigurð í Jákupsstovu dagin og vísti millum annað á tað gagn Setrið, føroyska heilsuverkið og samfelagið hevur av føroyskari heilsugransking. Eisini vísti hann á tørvin fyri einum víðkaðum samstarvi og uppraðfesting hesum viðvíkjandi.

Nógv fólk varð komið at lýða á tær seks framløgurnar av føroyskum granskingarverkætlanum innan heilsugransking og vóru framløgurnar sera áhugaverdar. Tær vístu, at føroysk heilsugransking hevur ment seg nógv og fevnir um alt fleiri økir innan heilsuvísind.

Í steðginum setti Jákup Veyhe granskingina undir skeivu sjóneykuna og herligt var at hoyra láturin frá meira enn 100 áhoyrarum runga í forhøllini.
Til seinast hildu Pál Weihe, professari og yvirlækni á Deildini fyri Arbeiðs- og almannaheilsu og Shahin Gaini, lektari og yvirlækni á LS hvør sín sera áhugaverda fyrilestur, har teir lýstu menningina innan føroyska heilsugransking sum heild, og hvussu granskingin á LS hevur ment seg seinastu árini til tað, hon er í dag. 

Fyrsti Granskingardagur á LS var í 2013, og við áhaldandi góðu undirtøkuni, verður miðað ímóti at hava ein slíkan dag á hvørjum ári.
Sí myndir frá degnum her.

Vision

Get the latest news from Landssjúkrahúsið

J.C. Svabosgøta 41-49
100 Tórshavn
ls@ls.fo
Tel. +298 30 45 00
Fax +298 31 74 31
V-tal 345334
EAN5797100000058
Our aim is to offer the Faroese population and international patients a high quality health service in as many areas as possible. In those areas of health care where the hospital is not specialised, our aim is to offer patients the best possible treatment through close co-operation with other hospitals in the Nordic region.