International Service
Services for international patients living outside the Faroe Islands such as tourists, sailors and others
Careers
Persuing a career in a Scandinavian Hospital

Rói á Kósini útbúgvin serlækni í almennum medisini

30. SEPTEMBER 2015

 Rói á Kósini er júst vorðin liðugur við útbúgving sína sum serlækni í almennum medisini – vanliga nevnt kommunulækni.
Rói hevur tikið 5 ára serlæknaútbúgvingina á Landssjúkrahúsinum og hjá Kommunulæknaskipanini. Hann hevur havt meginútbúgvingarstað í læknaviðtalum í Tórshavn og seinast havt Turid Petersen, kommunulækna sum vegleiðara.


Rói er 35 ára gamal familjumaður ættaður úr Klaksvík og býr í Tórshavn. Hann fer nú at starvast í Kommunulæknaskipanini sum avloysari.

 

 

Í Føroyum er útbúgving av serlæknum í almennum medisini skipað í samstarvi millum Landssjúkrahúsið, Kommunulæknaskipanina og Videreuddannelsesregion Øst í Danmark.
Útbúgvingartíðarskeiðið fevnir um ymiskar kliniskar starvstíðir á Landssjúkrahúsinum og í kommunulæknaviðtalu, umframt eina røð av skeiðum v.m. í Danmark og í Føroyum.
Í løtuni eru 13 læknar undir útbúgving til kommunulækna. Rói er triði læknin, ið er liðugt útbúgvin í ár. Væntandi verður ein lækni liðugur í 2016 og væntast tilsamans 5 liðugt útbúnir í 2017.

 

“Útbúgving er alt avgerðandi fyri framburð – eisini í sjúkrahúsverkinum” sigur Johnny í Grótinum, sjúkrahússtjóri. “Tí var tað mær ein fragd at fáa loyvi til at heilsa upp á Róa í dag og ynskja honum til lukku við drúgvu útbúgvingini og blíðan byr í læknagerninginum komandi árini. Vit nýttu eisini høvi at skifta orð um týdningin av støðugt at menna samstarvi millum kommunulæknarnar og Landssjúkrahúsið.”

 

 

 

 

Vision

Get the latest news from Landssjúkrahúsið

J.C. Svabosgøta 41-49
100 Tórshavn
ls@ls.fo
Tel. +298 30 45 00
Fax +298 31 74 31
V-tal 345334
EAN5797100000058
Our aim is to offer the Faroese population and international patients a high quality health service in as many areas as possible. In those areas of health care where the hospital is not specialised, our aim is to offer patients the best possible treatment through close co-operation with other hospitals in the Nordic region.