International Service
Services for international patients living outside the Faroe Islands such as tourists, sailors and others
Careers
Persuing a career in a Scandinavian Hospital

Víðkað samstarv millum Landssjúkrahúsið og Klaksvíkar Sjúkrahús innan hondkirurgi og apopleksi

26. MARS 2015
Á myndini síggjast Heri Ellingsgaard, stjóri á KS, Sigurð Ó. Vang, stjóri á LS og Naina Túgvustein, varastjóri á LS. (©Norðlýsið/Olivur Joensen)

 Á myndini síggjast Heri Ellingsgaard, stjóri á KS, Sigurð Ó. Vang, stjóri á LS og Naina Túgvustein, varastjóri á LS.  (©Norðlýsið/Olivur Joensen)

23. mars 2015 inngingu Landssjúkrahúsið (LS) og Klaksvíkar Sjúkrahús (KS) avtalu um 2 nýggj samstarvsøki t.e. innan hondkirurgi og apopleksi (heilabløðing ella -tøpp).
Samstarvið millum LS og KS hevur síðani 12. juli 2012 virkað við støði í eini rammuavtalu, ið var tann fyrsta av sínum slag. Avtalan viðgerð eina røð av samstarvsevnum millum sjúkrahúsini, harav økir sum røntgen, blóðbanka, rannsóknarstovu, medico-teknikk, sjúkraflutningstænastuøkið, uttanlandstænastuøkið o.s.fr. Síðani tá er avtalan víðkað við nýggjum samstarvsøkjum, eitt nú felags liðlækna til Sjúkraflutningstænastuna.

 
Sum liður í menning av samanhangandi viðgerðartilboðum og sjúklingagongdum í Sjúkrahúsverki Føroya hava KS og LS nú inngingið avtalu um nýggja samstarvsskipan innan sjúkrahúsviðgerð av apopleksi-sjúklingum. Ætlanin er seinni í ár at víðka hetta samstarvið við kommunalu samstarvsøkini innan eldraøkið, herundir Tórshavnar Kommunu, og fáa samanhangandi sjúklingagongd frá akuttari innleggjan á LS til endurvenjing í nærumhvørvinum, eftir at sjúklingurin hevur verið til sjúkrahúsendurvenjing á LS og KS og verður útskrivaður frá sjúkrahúsunum.


Somuleiðis er avtala gjørd innan hondkirurgi, har skurðlækni á LS kemur at skurðviðgerða á KS.


LS og KS eru í dialogi um onnur økir, við atliti til at tryggja skynsama nýtslu av tilfonginum í Sjúkrahúsverki Føroya og fyri tryggja góðar sjúklingongdir og viðgerðartilboð.
 

Vision

Get the latest news from Landssjúkrahúsið

J.C. Svabosgøta 41-49
100 Tórshavn
ls@ls.fo
Tel. +298 30 45 00
Fax +298 31 74 31
V-tal 345334
EAN5797100000058
Our aim is to offer the Faroese population and international patients a high quality health service in as many areas as possible. In those areas of health care where the hospital is not specialised, our aim is to offer patients the best possible treatment through close co-operation with other hospitals in the Nordic region.