International Service
Services for international patients living outside the Faroe Islands such as tourists, sailors and others
Careers
Persuing a career in a Scandinavian Hospital

Landssjúkrahúsið skipar fyri svøvn-apnø tiltaki

23. AUGUST 2016

Landsjúkrahúsið skipar fyri kunnandi fundi um svøvn-apnø týsdagin tann 30. august kl. 15.00.
Aftur hesa ferð verður tað Hotel Hafnia, ið leggur karmar um tiltakið, har fólk við svøvn-apnø kunnu hittast og práta um royndir við sjúkuni og stuðla hvørjum øðrum í einum fakligum umhvørvi. 

Endamál
Í fleiri ár hava apnø-sjúklingar í Føroyum livað við einari sjúku, ið ikki hevur havt skipað viðurskifti, hóast apnø tykist at vera vanligasti svøvntrupulleikin í heiminum. Nú serkøna vitanin um svøvn-apnø er alsamt meira útbreidd, ynskja fyrireikararnir at varpa ljós á stóra týdningin handan viðurskiftini hjá apnø-sjúklingum.

Endamálið við tiltakinum er at kunna um sjúkuna og samstundis koma fordómum viðvíkjandi sjúkuni til lívs. Greitt verður frá sjúkuni frá fleiri ymsum sjónarhornum.

Framleiðari av viðgerðartólum til apnø-sjúklingar vera til staðar og greiða frá ymsum í samband við apnø. Millum annað verður greitt frá um sjúkueyðkenni, um munin millum sjúkuna hjá kvinnum og monnum og um møguligar trupulleikar, ið knýta seg til viðgerðina.

Til staðar vera eisini leiðandi yvirlækni og sjúkrarøktarfrøðingur á medisinska depilinum, Bjarni á Steig og Ingun Gaardbo, og fara tey at greiða frá sjúku og viðgerð.
Harumframt verður varpað ljós á lívið við apnø, tá Jónfinn Petursson, apnø-sjúklingur, kemur at greiða frá sínum upplivingum. Møguleiki verður sjálvandi eisini at seta spurningar, práta og síggja tey mongu útgerðartólini. 

Tiltakið vendir sær soleiðis til øll, ið hava áhuga innan økið. Hetta verður seg verandi sjúklingar, avvarðandi, røktarar og líkandi.
Øll eru hjartaliga vælkomin til apnø-tiltak á Hotel Hafnia.

Tilmelding fer fram við at senda teldupost til: ordra@ls.fo
Vinarliga boða frá luttøku innan fríggjadagin 26. august 2016 kl. 12.00.

Vegna fyrireikararnar
Felagsgoymslan á Landssjúkrahúsinum

Vision

Get the latest news from Landssjúkrahúsið

J.C. Svabosgøta 41-49
100 Tórshavn
ls@ls.fo
Tel. +298 30 45 00
Fax +298 31 74 31
V-tal 345334
EAN5797100000058
Our aim is to offer the Faroese population and international patients a high quality health service in as many areas as possible. In those areas of health care where the hospital is not specialised, our aim is to offer patients the best possible treatment through close co-operation with other hospitals in the Nordic region.