International Service
Services for international patients living outside the Faroe Islands such as tourists, sailors and others
Careers
Persuing a career in a Scandinavian Hospital

Álendingar fáa íblástur úr Føroyum

12. DESEMBER 2017

Landssjúkrahúsið hevur í dag vitjan frá sjúkrahúsinum í Mariehamn, Álandi.
Endamálið við vitjanini er, at fáa vitan um, hvussu føroyska heilsuverkið setti í verk talgildu heilsuskipanina í 2007. Tað er tann skipanin sum verður brúkt til sjúklingajournal.

Føroyar er serstakt á tann hátt, at vit brúka somu skipan bæði í kommunulæknaskipanini og í sjúkrahúsverkinum í mun til onnur lond, sum ofta hava ymsar skipanir.

Tey luttakandi á ferðini til Føroya eru 8 í tali, harímillum ábyrgdarhavandi fyri journalskipanini á sjúkrahúsinum í Mariehamn, ein kommunulækni sum áður hevur verið stjóri á sjúkrahúsinum, leiðandi sjúkrarøktarfrøðingur, fíggjarstjóri umframt onnur.  

Á Landssjúkrahúsinum fáa tey í dag greitt frá, hvussu verksetanin av talgildu heilsuskipanini fór fram og hvørjar avbjóðingarnar vóru, og tey fara at vitja á eini seingjardeild og í bráðmóttøkuni, fyri at síggja hvussu skipanin verður nýtt. Somuleiðis fáa tey víst, hvussu kommunulæknar brúka skipanina í praksis. Seinnapartin fáa tey innlit í teknisku viðurskiftini og trygd í samband við varðveitan av sjúklingaupplýsingum.

Tað búgva uml. 30.000 fólk í Álandi, og orsøkin til vitjanina frá sjúkrahúsinum í Mariehamn er helst, at til ber at samanbera sjúklingatalið við okkara í Føroyum.

Gestirnir úr Álandi steðga í Føroyum í 2 dagar.

Vision

Get the latest news from Landssjúkrahúsið

J.C. Svabosgøta 41-49
100 Tórshavn
ls@ls.fo
Tel. +298 30 45 00
Fax +298 31 74 31
V-tal 345334
EAN5797100000058
Our aim is to offer the Faroese population and international patients a high quality health service in as many areas as possible. In those areas of health care where the hospital is not specialised, our aim is to offer patients the best possible treatment through close co-operation with other hospitals in the Nordic region.