International Service
Services for international patients living outside the Faroe Islands such as tourists, sailors and others
Careers
Persuing a career in a Scandinavian Hospital

37 listafólk vilja listprýða Landssjúkrahúsið

22. FEBRUAR 2017

Hósdagin 23. februar fer Sirið Stenberg, landsstýriskvinna, at avdúka tey, ið skulu listprýða nýggja H-bygningin á Landssjúkrahúsinum. Í alt eru 2,3 mió. kr. settar av til endamálið.

Í fjør vóru listafólk um allan heim vóru boðin við til at seta sín dám á nýggja sjúkrahúsbygningin, sum verður bygdur í vakra umhvørvinum oman í móti Sandagerði. Listafólkafelagið LISA, hevur hjálpt við at fáa boðskapin út.

Avmarkingar hava ikki verið settar fyri fyri, hvat slag av list talan var um, har listahandverk, filmslist og onnur list kann verða við. Dentur hevur verið lagdur á, at listafólkini draga sjúklingar, starvsfólk og avvarðandi við í listarligu tilgongdina. Samstundis er umráðandi, at listafólkini gjarna vilja arbeiða við samanspælinum millum lekjandi list og listahandverk, arkitekturin og umhvørvið kring bygningin, og at støðið onkursvegna verður tikið í føroyskari mentan.

Tá ið freistin var úti, vóru 37 uppskot komin frá listafólkum úr Føroyum og uttanlands. Ein listabólkur hevur síðani valt nøkur listafólk til at prýða bygningin. Í morgin fer landsstýriskvinnan í heilsumálum at avdúka hvørji listafólkini eru.

Í listabólkinum eru:

  • Jane Ziska, umboðandi medisinska depilin á Landssjúkrahúsinum
  • Tórunn H. Ósá, umboðandi psykiatriska depilin á Landssjúkrahúsinum
  • Jóhan Martin Christiansen, umboðandi LISA
  • Nina Arge, umboðandi Faerport II
  • Rosan Bosch, Byggiharra ráðgevi
  • Bárður í Baianstovu, umboðandi Landsverk
  • Jan á Argjaboða, verkætlanarleiðari hjá Landsverk

Samkoma verður á Landssjúkrahúsinum í sambandi við, at nøvnini verða almammakunngjørd á teimum, ið skulu listprýða nýggja H-bygningin.
Tiltakið verður í forhøllini og byrjar klokkan 14.30.

Vision

Get the latest news from Landssjúkrahúsið

J.C. Svabosgøta 41-49
100 Tórshavn
ls@ls.fo
Tel. +298 30 45 00
Fax +298 31 74 31
V-tal 345334
EAN5797100000058
Our aim is to offer the Faroese population and international patients a high quality health service in as many areas as possible. In those areas of health care where the hospital is not specialised, our aim is to offer patients the best possible treatment through close co-operation with other hospitals in the Nordic region.