Pilotverkætlanin “Demensvinarligt samfelag”, sum Demensklinikkin og Heimatænastan í Vágum hava samstarvað um, er nú liðug, og 19. august verður hon løgd alment fram í Østrøm.

Orsakað av at løgtingsval verður síðst í august 2019, er hetta eitt gott høvi at fáa demensøkið á breddan, og tí skipar Alzheimerfelagið fyri pallborðsfundi aftaná framløgurnar.

Skráin er hendan:

Kl. 19.30. Fyrri partur

• “Demensvinarligt samfelag” – pilotverkætlan í Vágum Tórmóður Stórá, leiðandi yvirlækni

• Verkætlanarlýsing, mál og tilmælir

Maria Skaalum Petersen, Phd og leiðari í Deplinum fyri Heilsu- og Almannagransking

• Samskipan og samstarv í dagliga arbeiðnum Lis Hansen, landsdemenssamskipari

• “Flowskema” og røktartestamenti

Majbrith Reynskorð, kommunalur demenssamskipari

• Kommunalt fyribyrgjandi arbeiði, demens- og avvarðandibólkar Arnleyg Haraldsen, kommunalur demenssamskipari

• Heildartænasta og demenstoymi

Halldis Joensen, leiðari í Heimatænastuni í Vágum

Spurningar til fyrra part

Kl. 20.30. Steðgur - kaffi/te og kakur

Framløgufólkini eru klár til eitt prát og hava faldarar um verkætlanina og tilmælini. Møguleiki er eisini at síggja aðrar faldarar og skjøl, ið vórðu gjørd í verkætlanartíðini.

Kl. 20.45. Seinni partur

Alzheimerfelagið skipar fyri politiskum pallborðsfundi um demensøkið. Høvi verður at seta spurningar og vóna vit at fáa eitt gott kjak.

Visión

Fá tað nýggjasta frá Landssjúkrahúsinum

J.C. Svabosgøta 41-49
100 Tórshavn
ls@ls.fo
Tel. +298 30 45 00
Fax +298 31 74 31
V-tal 345334
EAN5797100000058

Hjá okkum er sjúklingurin í miðdeplinum.Vit veita virðiliga, skjóta, góða og samanhangandi sjúkugreining (diagnostikk), viðgerð, røkt, heilsufremjan og endurmenning í samstarvi við sjúklingin og tey, ið varða av.