Corona.fo

Læknavaktin flytur aftur á Landssjúkrahúsið

29. JUNI 2020

Mikudagin 1. juli flytur Læknavaktin aftur á Landssjúkrahúsið eftir at hava hildið til í Kirkjustræti í Hoyvík í eina tíð.

Tað var fyrst í apríl, at Læknavaktin fyribils flutti av Landssjúkrahúsinum niðan í Hoyvík fyri at minka um vandan fyri koronusmittu á sjúkrahúsinum. Læknavaktin hevur hetta tíðarskeiðið húsast í hølunum hjá Amaliu Danielsen.

Góða gongdin við ongum nýggjum tilburði av koronusmittu seinastu tveir mánaðirnar hevur við sær, at vandin fyri smittu ikki longur er hin sami. Mett verður tí, at tað er ráðiligt at flyta Læknavaktina aftur á Landssjúkrahúsið.

Tey, ið vilja hava fatur á Læknavaktini, skulu sum vant ringja 1870. Læknavaktin svarar gerandisdagar frá kl. 16 til 8. Vikuskifti og halgidagar er opið alt samdøgrið.

Visión

Fá tað nýggjasta frá Landssjúkrahúsinum

J.C. Svabosgøta 41-49
100 Tórshavn
ls@ls.fo
Tel. +298 30 45 00
Fax +298 31 74 31
V-tal 345334
EAN5797100000058
Hjá okkum er sjúklingurin í miðdeplinum.Vit veita virðiliga, skjóta, góða og samanhangandi sjúkugreining (diagnostikk), viðgerð, røkt, heilsufremjan og endurmenning í samstarvi við sjúklingin og tey, ið varða av.