Eingin tilburður av corona COVID-19 á sjúkrahúsunum

7. MARS 2020
Í gjár vóru allir sjúklingar, sum vóru innlagdir á teimum trimum sjúkrahúsunum og fingu antibiotika, kannaðir fyri COVID-19. Úrslitini eru nú greið og allar royndirnar vóru negativar.
Talan var um stakroyndir millum tey, ið vóru innløgd í gjár og ongar ætlanir eru um at endurtaka kanningina uttan so, at Landslæknin metir tað vera neyðugt.
 "Vit høvdu ongan ítøkiligan illgruna um smittu á teimum trimum sjúkrahúsinum, men tað er sjálvandi gott at fáa tað staðfest. Úrslitini bera eisini boð um, at tey innløgdu fáa bestu verjuna, tá vit so vítt gjørligt handfara illgruna um smittu uttanfyri sjúkrahúsini", sigur Shahin Gaini, infektiónsmedisinari á Landssjúkrahúsinum.       
Íalt vóru 35 sjúklingar kannaðir á teimum trimum sjúkrahúsunum.

Visión

Fá tað nýggjasta frá Landssjúkrahúsinum

J.C. Svabosgøta 41-49
100 Tórshavn
ls@ls.fo
Tel. +298 30 45 00
Fax +298 31 74 31
V-tal 345334
EAN5797100000058
Hjá okkum er sjúklingurin í miðdeplinum.Vit veita virðiliga, skjóta, góða og samanhangandi sjúkugreining (diagnostikk), viðgerð, røkt, heilsufremjan og endurmenning í samstarvi við sjúklingin og tey, ið varða av.