Granskingardagur á Landssjúkrahúsinum

31. JANUAR 2020

Granskingardagur verður hildin á Landssjúkrahúsinum 14. mai 2020. Hetta er 8. árið Granskingardagur verður hildin á Landssjúkrahúsinum.

Vit leggja dent á gransking og granskarar, sum hava samband við Landssjúkrahúsið. Tað vil siga gransking, sum antin verður gjørd á Landssjúkrahúsinum ella gjørd av persónum við tilknýti til Landssjúkrahúsið.

Vit ynskja at leggja fram so nógva gransking sum gjørligt, sum er blivin gjørd tey seinastu árini og sum er í stoypiskeiðini.

Mælt verður til at allir virknir granskarar senda inn abstracts um gransking sum er í gongd.

Á Granskingardegnum verður høvi at hoyra um og síggja granskingarverkætlanir, ið hava eitt ávíst tilknýti til Landssjúkrahúsið. Eins og seinast verður høvi hjá øllum starvsfólki á Landssjúkrahúsinum at vera við á degnum.

Eisini verða starvsfólk og samstarvsfelagar á øðrum viðkomandi stovnum boðin við og umboð frá viðkomandi myndugleikum.

Høvi verður at hoyra fleiri styttri fyrilestrar og síggja framsýning av verkætlanarpostarum. Aftur í ár verður skipað fyri kapping millum tey, ið hava latið inn postara til Granskingardagin – heiðursløn verður latin besta postara, ið verður valdur av serstakari nevnd.

Tey ið hava eitt granskingarsamstarv við Landssjúkrahúsið eru vælkomin at senda okkum abstracts. Freistin at senda abstracts til Granskingardagin er mánadagin 6. apríl kl. 12.00.

Neyv skrá kemur seinni.

Sí her: Call for Abstract føroysk og donsk útgáva og her: LS Poster

Vónandi taka øll væl undir við tiltakinum.

Vision

Get the latest news from Landssjúkrahúsið

J.C. Svabosgøta 41-49
100 Tórshavn
ls@ls.fo
Tel. +298 30 45 00
Fax +298 31 74 31
V-tal 345334
EAN5797100000058
Our aim is to offer the Faroese population and international patients a high quality health service in as many areas as possible. In those areas of health care where the hospital is not specialised, our aim is to offer patients the best possible treatment through close co-operation with other hospitals in the Nordic region.